F

F

زبیح الله زیارمل

F

د خدای بخښلی غلام سرور یورش په یاد څو ضروری ټکی !

F

غلام سرور یورش دمیدان وردکو د ولایت د میدان دسیمی د یوی بزګری کورنې له دری زامنو څخه یو تن و چه لومړنئ زده کړی ئی په خپله پلرنئ سیمه کی سرته رسولی او د نورو زده کړو لپاره کابل ښار ته راکډه شو . کابل کی ئی دملکی هوانوردی په عالی لیسه کی زده کړی پای ته ورسولی او په همدی برخه کی ېی په کار پیل وکړ . کله چه د افغانستان دخلکو دموکراتیک ګوند بنسټ کیښودل شو نوموړی په هغه لومړنئ ډله ځوانانو کی راځی چه د ګوندی کنګری د موسسو غړو د یو تن له خوا خدای بخښلی عبدالقدوس غوربندی په بلنه کوم چی په ښوونځی کی دده استاد و د ګوند لیکو ته راغی او تر پایه د ګوند د یو وفادار فعال او ژمن غړی په توګه پاتی شو او د ګوندی حاکمیت پر مهال ئی هری هغی دندی ته اوږه ورکړه چه ده ته وسپارل شوه                                                              

نوموړی دلوی ننګرهار ګوندی مسئول و او د واکمنئ پر مهال ددی زون مسئول وټاکل شو. دده درسمی دندو ساحه خورا پراخه وه مطبوعاتی ډګر ، اداری ډګر او دیپلوماتیک ډګر ،  چه پدی ټولوکی ډیر ښه وځلیده او پخپل ټول وس سره ئی خپلی دندی سرته ورسولی . نوموړی د دری او پښتو ژبو برسیره په اوچته سطحه په انګریزی ژبه لیک او لوست کولای شوای .                                                    

د دولتی دندو په لړ کی خدای بخښلی د بهرنیو چارو د وزارت د مرستیال په توګه د ژنیو د خبرو اترو په افغانی پلاوی کی له پیل څخه تر پایه اصلی او ټاکونکی رول ولوباوو او                                      وروسته د جمهوری ریاست  د بهرنیو اړیکو مسئول او په پآی کی  په ملګرو ملتونو کی د افغانی نماینده ګی مستشار وزیر مختار وو .                                                                                                

د دولتی حاکمیت تر ړنګیدو او د وطن ګوند تر پاشل کیدو وروسته په امریکا کی پاتی شو او د ژوند تر پایه پوری ئی د ټکسی چلولو له لاری خپله ګذاره کوله.                                                     

یورش په ګوندی او دولتی مطبوعاتو کی زیاتی لیکنی او ژباړی سرته رسولی دی چی د ژوند په وروستیو کی ئی د ملی روغی جوړی په هکله یوه تحلیلی لیکنه تر لاس لاندی در لوده چه هیله ده ضائع نه شی .                                                                                                               

خدای بخښلی یورش دهغو ګوندی کادرونو څخه و چه د خپل زیار او پوهی په تکیه د ګوند د مرکزی کمیټی غړیتوب ته ورسیده او تل به د خپلو اصولی دریځونو له مخی د ګوندی منحریفونو او نازولو سره په ټکر کی راته، یورش په ویاړ ژوند وکړ په خپله پوهه او زیار متکی و او دحق او ملی ګټو او محرومو ولسونو د حقونو زړور مدافع په توګه تل د اصولو د سنګر سپاهی پاته شو  دده روح دی ښاد وی چه د تاریخ له دروازی سرلوړی تیر شو.                                                                      

                                                                 

جنازه او کفن هسی یو رواج دی             د یارانو نه چه هیر شی مړ هغه دی

( غنی بابا )