الف.م.الف
په اوږو یووړی
دتیری شپې کیسې سپینو سپیدو په اوږو یووړی
په سپین شولی لاهو هیلې ، موجو په اوږو یووړی
ګریوان می هدیره شوله د ځوانو تکنو پیغلو
د اوښکو و جنازی می د بڼو په اوږو یووړی
په سترګو د ساقی کی ست د شونډو نه ښکاریږی
نا خوالې تلوسې می د پیالو په اوږو یووړی
غمونه او دردونه می په خوله ویلی نه شم
د زړه سوی نارې می د شپیلو په اوږو یووړی
اجبه تماشه دی ، ځی مالي پری را خبر کړی
د سرو ګلو ډولۍ یی د اغزو په اوږو یووړی
د مینې سپکاوی دی واویلا د عشق په جیل کی
کوټلې انګازی می زلنو په او ږو یووړی
زما د ګنا ګانو څومره ستره دبدبه وه
تر عرشه پوری ګوره پرښتو په اوږه یووړی