ب . اکبري

دمیړوخرپ اویاترپ داګزاودامیدان

وایې ملانصرالدین ته کوم یوه کلیوال سړي لیک راووړاوورته ویې ویل چې ملاصیب دالیک راته ولوله ملا عینکې پرسترګوکړې اولیک یې مخې ته ونیوسملاسي یې سروخوځاوه وویل چې داپه یوه نا اشنا ژبه لیکل شوی دی دالیک نه شم لوستلی. کلیوال سړي ورته وویل په دادومره غټه پګړۍ چې په سردې ده ته یو لیک هم نه شې لوستلی؟
ملاصیب سملاسي خپله پګړۍ دکلیوال پرسر ورکیښوده ورته ویې ویل که په غټه پګړۍ وي نودادی ته یې پخپله ولوله.
داڅوکاله کییږي چې افغاني مشرانوکالیواولباس ته زور ورکړی دی هسې انګیري چې درنښت اوپه خلکوکې ځان منل په لباس پوري تړلی دی چاپه درجنو.درجنورنګارنګ چپنې اوقره قلۍ زړي کړي ان چې دکرزي صاحب یوه چپنه دلندن نړیوال موزیم ته هم لاره ومونده ځینو بیا ګرد اولوغونډي سپین،خړ،نصواري،تور،نخودي رنګارنګ پاکلونه پرسروي چا کږه اوچاله کبره په ټنډه ایښي وي څوک بیاډول،ډول وریښمیني لنګۍ ورسره وریښمیني خولۍ ،جګې ټپۍ اوټوپونه پرسروي.
داځلې ولس مشر اشرف غني دولسي جرګې اومشرانوجرګې په ګډه غونډه اوداتوغوایانودشرغوبل لمانځغونډه کې دتیره وال ټوپ سره نیغه شمله پري ایښي وه په زړه پوري داچې کله به یې په تودواحساساتواوغوسه خبرې کولې په تالار کې ناستوګډونوالو دچک چکو په کړسهارکې به دولس مشرنیغه شمله هم خوزیده.زما موخه په داسې ستروغونډوکې خپل ایډیال اوسیاسي تفکر اواندیښنې په بلاغت اووضاحت سره بیانول دي داسې حرکات اوسکنات چې ناست برخه وال هرومرو چکچکې ووهي لکه چې ځیني غوړه مالان په کې تخصص لري دوینا اصلي اواهم ټکي په کې ورک شي.چیغي وهل له ناورین وروسته هیڅ درد نه دوا کوي په وطن کې ناخوالې،نادودې اوغمیزي دومره ډیرې اوپراخې شوي دي چې د کاواکه اوترینګلي حالت کابوکول اوامن رامنځته کول سالم،جدي تدبراوکلک تحکم غواړي.وایې چې دامیر عبدالرحمن دواکمنی په دوران په اندړوکې یوملا چې بوډاشوی هم ودعبدالرحمن سره سخته دوښمني درلوده اوهغه به یې په سختو ټکو غانده اومیرغضب یې باله.عبدالرحمن پخپل سخت اوجدي دسپلین کې لادمیرغضب نه هم څو ګوتې پورته واوپه دې ډول یې پیاوړی اوغښتلی ځواکمن مرکزي دولت رامنځته کړی و.خبره دملاپه اړه ده چې په ښکاره یې په هرځای کې دعبدالرحمن پرضدویناوې کولې .امیر عبدالرحمن ډیرې هلې ځلې وکړې چې ملاصیب ونیسي اوسزا ورکړي خوویې نه شوای کړای خوملادبوډاتوب اوزړښت له کبله پخپل طبیعي مرګ ومړاوجنازه یې خاوروته وسپارل شوه امیرعبدالرحمن دملاصیب له مرګه خبرشواودهغه دمقبرې دځای ځای ګي دمعلومولولپاره یې جاسوسان ولیږل په پوښتنه پلټنه یې دمتوفی ملا صیب مړستون پیدا اوپه نښه کړکله چې جاسوسان دامیرعبدالرحمن حضور ته راغلل دملا دمقبرې په اړه یې راپوروړاندې کړ.
څه موده وروسته یې بله ډله ولیږله اوجدي دستوریې ورکړچې دملاصیب مړۍ له قبره راوباسي اوویې سوزوې دعبدالرحمن حرفوي جلادانواواستازودامیر ورکړشوی دستورپلی کړدملاجسد یې داورپه لمبوکې خاورې ایرې کړ.یوچا له امیره وپوښتل چې دمړي له سزا دې موخه څه ده؟ امیر ورته وویل چې په دغه سزا نور ملایان ویروم چې زما له دوښمنی لاس په سراوعبرت واخلي.بله موخه مې داده چې دنوموړی ملا دقیامت په ورځ په روغ بدن له قبره راپورته نه شي اودالله پاک حضورته شکایت ونه کړي. عجیبه لاداده چې همدغه میرغضب امیرته چې ډیری هزاره جات یې قتل عام اوکافرستان یې نورستان کړدهغه وخت ملایانو،حضراتواوسیدانود ضیا الملت والدین لقب ورکړ.امیر دخپل ځان دوښمن ته لا په قبر کې سزا ورکوله نو هغه جنایتکاران،لوټماران اوسخت زړي ترهګرچې دپنجاب اواستکبار په دستوراوډالرو افغان مظلوم ،مسلمان اوبې وزله ولس وژني کور،کلی،حجره،دیره ښوونځۍ،پوهنتون،ټولګټي تاسیسات ورانوي په ماشوم،تورږیري،سپین ږیري ،سپین سري اوتنکیوماشومانوپه پستوستونوچاړې اوتوري راکاږي اوډله ییزي وژنې رامنځته کوي د داسي خدای دوښمنه اواسلام دوښمنه ځناوروپه وړاندې داشد مجازات پرته بله سزانه شته په دې هکله عدلي قوانین اوشرعي احکام پوره صراحت لري مجرم اوغیرمجرم باید واقعا تفکیک شي هسې نه چې په وچوپسې لمده هم وسوزوي دطالب اویادترهرګرپه پلمه کلي اوبانډې ورانې اوبې ګناه ولسونه په بې رحمی اوقساوت ووژل شي له بده مرغه ورته عملیات زیاتره دپښتنوپه کلیوالواوبې وزله سیموکې دکورنیواوبهرنیووسله والو ځواکونوله خواترسره شوي اوزړه بوږنوونکي ناتارونه اوخونړۍ غمیزي یې رامنځت کړي دي چې داهم نه بښونکی جنایت اومرتکبین یې باید دعدالت منګولوته وسپارل شي.
ترهګراودهغوځالې اوروزنځایونه هرچاته ښکاره اوتثبیت دي خوسزا زموږبې وسه اوغریب ولس اوکلیوال ویني چې دارذیلانه اونامردانه لوبه دپښتنوپرضد روانه ده اوپلان شوي جنوساید توطیه ده.
زما په اند په غټه پګړۍ کې دولس مشرغوږکڼونکي چیغي هیڅ درد اوټپ نه دواکوي اوکه بیا غوسه ناکې چیغې اغیزمنې وي هغه یې باید په خوراجسارت دجان کیري دخصمانه وساطت اوخپل سري تحکم په وړاندې ایستلي وه .افغان کړیدلی اوغمیدلی ولس ملي تدبر،سلیم تعقل اوعملي هاندوهڅوته اړتیا لري نه غورو،پرواوتش هوایي ډزوته.وګوروچې داځل دپاکستان په وړاندې زموږدوه سري اوکه دوه کیري مشران څه کوي.
ګل سوری،سوری کړم له اغزونه څه ګیله ده
خپل په اورووسوم له پردونه څه ګیله ده
دسولې دټینګښت په هیله
ب/اکبري
۲۸/۴/۲۰۱۶