بې له تانه د جنت په لوري نه ځم که دوزخ وی، خو جوړه به درسره ځم
دا څه نـوې خبـر نـــه ده نـازنـیـنې ها پــخـپـله پخـوانۍ مـواعـده ځم
چې د عشق په اورکې سوی تک تور سکور یم همـدا لاره مې ده لــویه فــریضه ځم
د رقـیـب له تـهمتونو مې باک نـشته زه پخپـله کره لار، غــره غــره ځم
څو ژوندی یم، څوچې ساه مې ځان کې ښـوري دا د عشق او عاشقانـو پــه نعــره ځم
بل مې هیـڅـوک رهنما او رهبـر نشتـه بس د میـنې پــه فرمان او رائحه ځم
ماچې ځـــان د خـپـل وطن له پاره وقــف کړ پښیمان نه یمه، هـمدا مې ګزینه ځم
زما ځــواک کمزوری مه بـوله رقـیـبـه تنها نـه ځـم د ملګرو مـجموعه ځم