حسام الدین حسام
د دوکتور نجیب الله دشهادت د شلم تلین په مناسبت
نیمه خوا پېژنۍ ؟
وخته له موږ خو د عنقا وژلی
څه وخت به وایې هغه چا وژلی
ستورو د ویړ ماتم له پاسه جوړ وو
تایې ذهل په څه ګناه وژلی
په لمر خو هسې خپکی پرته وه
تورو شپو ولې وار خطا وژلی
د تن جامی یې سور کفن سوې ورته
هغه شعار چا په ریښتیا وژلی
پروت په سجده وو د وطن محراب ته
زاهده ! پرې سر د په غلا وژلې
لحد یې جوړ کړ د تاریخ په خوله کې
د وطن برم د وړیا وژلې
له کوم مارکیته د فتوا وه تر لاس
چې د دسولې مقتدا وژلې
لویه نقشه یې په ټټر پرته وه
تا سبین شاهین د پښتونخوا وژلې
سري غوټې پاتې سوی یتیمی سترګې
چا یې د سزو څانګو بورا وژلې
ایمان یې پرې کړې د نمرود په توره
تنکی ارمان یې نیمه خوا وژلې
دقلم اوښکې به سیلاب سي ورته
چا چې دولس « نجیب الله » وژلې
حسامه ! پرېږده ان؛ولا تاریخ ته
هغه دتور بازار فتوا وژلې
هالیند